當惡魔亮起爪牙,你嘅沉默就係幫兇

時事
作者:ZHENGYI
2019-11-09

「地獄坦蕩蕩,魔鬼在人間」近半年嚟嘅香港可以話係完美詮釋咗其中嘅涵義,因為反修例而爆發嘅一系列「顏色革命」,已逐漸改變咗呢座城市原有嘅色彩,血腥暴力充斥著呢座罪惡之城,黑衣暴徒日漸猖獗,縱火焚城,草菅人命,普通市民噤若寒蟬,人心惶惶。何解香港突然變咗模樣?依筆者所見,逃不過「沉默」二字。

教育嘅畏縮。7號本係香港各高校舉行畢業典禮嘅好日子,嚴肅活潑嘅慶典卻屢屢遭破壞。港中大學生集體蒙面示威遊行,揮舞美國國旗,叫囂港獨口號,甚至公然拒絕合唱國歌,導致典禮被迫匆忙收尾。科大學生以一齣「被推倒」戲碼借機集體圍攻內地學生,狂毆到頭顱出血。校園內嘅種種極端暴行係港中大校長段崇智公開譴責警方、擁護學生引發嘅一系列蝴蝶效應。段爸爸喺面對蒙面學生各種威脅、慫恿、挑釁後選擇咗偏聽偏信,喺學生不斷咁暴力衝壓下選擇咗退縮自保,喺唔清楚事情來龍去脈嘅情況下,以一校之長嘅身份公然表示支持學生,至此亂敗之極,一發而不可收拾。身為教育者未擺正自己嘅位置,領悟教書育人嘅真正含義,面對違法犯罪,甘當「跪族」,對待暴力,雙重標準,恣意縱容,助長學生之歪風邪氣。

民主嘅緘默。6號何君堯屯門拉票時被偽「粉絲」直刺心臟,險些喪命。光天化日之下對政府要員公開行刺,面對此種極端行為,民主派雖事後有向何君堯表達問候,但面對鏡頭,卻始終隻字未提譴責暴力,唔知喺度怕緊啲乜嘢咧?擔心被黃屍反噬變「一只耳」?亦或係屈服於某啲「非正常」後臺?而縱觀今年區議會選舉有效候選人名單,某啲「港獨」分子、泛暴人士卻悄然出現,係某啲選舉主任一時疏忽?定係畏懼近月嚟嘅暴力恐嚇?亦或係為咗同泛暴派們和平共處,做出妥協?黑色恐怖籠罩下嘅民主緘默,係對反對派違法犯罪嘅姑息,更是對香港政局嘅漠視、殘害,必將禍起蕭牆、引火自焚。

社會嘅寡言。據調查自黑色暴亂持續數月以來,約40%嘅香港民眾,既唔做黃絲,亦唔敢撐警,深諳「中庸」之道,面對暴力造成香港公共設施被破壞損壞逾千萬元、正義阿sir命懸一線、社會秩序苟延殘喘亦唔敢發聲,唔敢企出嚟say“NO”,最終當濫暴逼近自己,亦唔會有人為你撐腰。對於正義與邪惡,從來都係涇渭分明,冇中間地帶,亦唔存在獨善其身。「婉約派」、「中間派」做耐咗,怕係連最基本嘅善念都將消逝,冷漠嘅社會竟成為「理想國」?香港興亡,匹夫有責,愛港就要敢於與亂港作鬥爭,14億中國人都係香港嘅堅實後盾!「我係中國人」,鏗鏘有力量。

面對暴力,沉默就係縱容,沉默就係幫兇,對呢啲極端暴力分子嘅放任就係對730萬香港民眾嘅漠視,唔喺沉默中爆發,就喺沉默中滅亡,企出嚟,止暴制亂正當時!


搜尋文章