跳樑小丑嘅自我加戲終將淪為笑柄

時事
作者:大海
2019-07-12

時至今日,當黃絲嘅暴行將全世界嘅目光都聚焦喺香港嘅時候,將呢次遊行變成暴力衝突嘅幕後推手們再也掩蓋唔住佢哋熊熊燃燒嘅政治野心,一個個露出爭權奪利嘅本來面目。

譬如話喺聯合國人權理事會上發言嘅加拿大籍香港過氣歌手何韻詩,喺加拿大籍籍無名,喺中國做歌手起點好高但卻越撈越屎,但係靠呢次暴力衝突卻登上咗聯合國嘅舞台。從佢最後裹一抹收斂唔到嘅得意微笑中可以睇出,用香港嘅寧靜換嚟露面嘅機會確實令佢覺得人生已經到達咗巔峰。可惜,呢種祗係一種錯覺。喺西方勢力眼中,佢係一個被推到臺前嘅棄子,毫無政治概念嘅兩分鐘照本宣科咁演講就係為咗抹黑下中國。喺香港人嘅眼中,一個加拿大籍公民口口聲聲代表香港民意,呢個管轄範圍真係差到離曬譜。喺世人眼中,一邊利用黃絲糟蹋香港一邊大嗌話為咗香港,呢啲就係典型嘅講一套做一套喇。被推上臺前嘅何韻詩祗係一個自以為「功成名就」嘅小丑姐啫。

又譬如話黃之峰,佢得到咗美國非政府組織捐贈嘅大筆款項同留學承諾,於是乎喺遊行隊伍中盡情演繹。暴亂份子梁繼平喺揭開面罩後大嗌「越多人佔領呢度就越安全」,之後就拿拿聲順住早已安排好嘅走佬美國嘅行程著草。七月七號嘅九龍區「反修例」遊行發起人劉頴匡所在嘅將軍澳民生關注組準備繞著選區遊行,為十一月嘅區會選舉搏取政治資本。而反對派毛孟靜鼓勵人哋個仔上街參加暴動卻力勸自己個仔唔好參加。呢一切都已經表明咗呢啲帶頭人非常清楚自己想要嘅嘢同埋做暴徒嘅法律後果。佢哋知道呢場暴動必定會失敗,參與者都一定會受到應有嘅懲罰。但佢哋身處棋子鏈嘅頂端,依靠美西方勢力嘅支持,不惜犧牲香港嘅繁榮安定同作為「炮灰」嘅黃絲們嚟換取佢哋嘅政治資本,呢筆數對佢哋嚟講確實好抵。

但係,香港唔係敘利亞,亦都唔係委內瑞拉,香港嘅民主自由唔會成為西方顏色革命發芽生根嘅土壤,因為香港嘅背後有強大嘅中國支持。佢哋嘅陰謀唔會得逞嘅,即使佢哋逃離香港暫時躲避咗法律追訴,但流亡他國嘅日子亦都唔會好似美西方勢力承諾嘅咁樣,無根嘅棋子一旦失去咗利用價值最終嘅歸宿就係棄子,話知你幾賣力咁去做呢個跳樑小丑喇,最終咪一樣成為啲街坊茶餘飯後嘅笑柄。

搜尋文章