反對派如此激憤 真係為咗香港?

時事
作者:宋军
2019-07-12

香港嘅「反送中」遊行已經鬧咗成個月,到今日為止,依然風波不斷,香港幾時先能夠恢復往日嘅平靜仍然係個未知之數。連日來,香港城市交通屢屢癱瘓,市民工作與生活受到嚴重嘅干擾,甚至立法會都受到衝擊,如此多嘅負面影響,令人不得不反思,反對派如此激憤,真係為咗香港?

其實審視反對派嘅果班人,佢哋嘅言行確實令人玩味。近日,過氣歌手何韻詩高調赴聯合國大會發聲唱衰香港、一國兩制政策以及中國大陸,大力支持香港「反送中」運動,可以講係一個典型嘅反對派。但係細究何韻詩嘅底細,可以發現,佢早就加入咗加拿大國籍,咁睇嘅話,就有地耐人尋味喇,一個外國人為何如此熱衷於中國嘅國內事務?雖然話佢原來的確係香港居民,但既然已經換咗國籍,自然係有心向外,佢又邊有資格去聯合國大發狂言?返轉頭諗諗,當初「占中」事件何韻詩亦係如此大放厥詞,照咁睇嚟,答案就經已呼之欲出啦,哩個根本就係國外某啲別有用心嘅勢力再次將何韻詩推出來,搞亂香港事務,進而達到搞亂香港嘅目的。其實根本就冇所謂嘅「愛港歌手」,因為哩個歌手早就已經唔係香港人。

實際上,好似何韻詩哩啲咁嘅反對派梗唔止一個啦。當初喺衝擊立法會現場「慷慨陳詞」嘅反對派示威青年梁繼平,曾一度成為港媒報導嘅焦點,其極力煽動其他示威者同佢一起佔領立法會,聲稱「我哋已經冇得返轉頭」、「我哋冇得玩快閃嘅喇」,仲除咗口罩露出真面目,好似無所畏懼不惜犧牲自己咁嘅樣。但就係近日,有消息爆料稱,梁繼平早已於7月1日衝擊立法會當日就預訂咗離開香港嘅機票,並喺次日搭飛機去咗國外。原來,梁繼平之所以可以咁「無畏無懼」係因為佢早已做好「快閃」嘅準備,至於其餘喺梁繼平煽動下跟隨佢破壞打砸立法會嘅年輕人嘅生死,根本就唔喺佢考慮嘅範圍之內。

反對派如此激憤,根本就唔係所謂嘅「為咗香港嘅未來」。有啲人係為咗政治選票,有啲人係身在國外與外人勾結,有啲人係利益所驅使早就準備好後路,而果啲畀熱血衝暈咗頭腦嘅示威者,除咗自食其果,承受法律追責,再冇其他,真係可悲可歎。香港嘅廣大青年係時候清醒啲喇,唔好再成為反對派禍亂香港嘅棋子。

搜尋文章