入U揀科—-理想定現實?

人文
作者:Yuen Gor
2018-11-08

入U揀科—-理想定現實?

大學JUPAS揀科 —- 理想定現實?

相信各位中六嘅同學已經遞左咁多位嘅jupas 排位,

唔知大家又擺左咩program上A1呢?

排jupas 真係一個好艱難嘅決定,

可以話係鬥智鬥勇,

又要有足夠嘅策略,

又要有返咁上下嘅進取。

好似講到jupas 係一場博奕咁,

但其實背後嘅考量或多或少

都不外乎能力,興趣,前途之間嘅抉擇。

大學JUPAS選科1

依科夠唔夠分架?

依科我又好似無咩興趣bo?

讀完依科又可以出黎做咩架?

不過依架都仲未放榜,

分呢,就盡力啦!

後兩個問題就幾時都要諗嘅。

興趣同前途都可以兼顧到,

當然係最好啦,

但如果兩樣野之間要有所取捨又應該點算呢?

首先,

你要問下自己你係咪真係好有興趣先,

其實就算有興趣都唔一定要係大學讀嗰科,

仲有好多其它唔同嘅方法去學到嗰科,

例如可以入左大學其它program

再take minor

或者double major。

好有興趣講嘅唔係話中學讀嗰科覺得好開心咁簡單,

而係要自發去認識嗰一科嘅知識,

睇下大學依科究竟要讀啲咩,

同咩嗰啲係咩黎,

最實際嘅方法就係拎本大學教科書睇下,

睇下自己有無興趣繼續學落去。

如果,

你都仲好有興趣,

咁本書你又睇唔睇得明呢,

會唔會覺得好難呢?

如果覺得好難嘅話,

你有無信心可以克服佢呢?

始終大學一個sem(學期)得3個月,

係3個月入面要讀一啲比dse更難嘅野,

如果自學能力唔夠,

咁你大學依四年應該會讀得幾辛苦。

如果你覺得好輕鬆,

咁就恭喜閣下啦,

你應該義無反顧咁揀依科;

但如果唔係嘅話都唔緊要嘅,

始終有好多方法實現理想。

跟住落黎就等我介紹下我比較熟悉嘅科目,

亦都係被譽為係一大水泡科嘅Science啦。

往往Science都比人當係水泡,

令到唔少想讀Science但又考得好高分嘅同學,

棄Science,

而揀其它科,

但其實一樣有收得好高分,

專門比一啲有志做科研嘅同學仔嘅課程,

如果咁多位同學自問有興趣,

又有能力,

又想讀Science,

不妨聽下我嘅介紹啦。

第一個program就係

港大嘅本科生科研培育計畫(YSS)

大學JUPAS選科2

依個program係直接收錄

報讀左港大理學院大類收生(JS6901),

而best five 又有31分或以上嘅同學仔,

無須通過任何面試。

入到依個計畫嘅同學

可以保證做到一系列嘅科研活動,

例如係暑假參加科研實習,

又可以得到海外科研嘅機會,

而且學生有二至四萬嘅入學獎學金,

對於每個立志做科學家嘅同學真係相當吸引。

第二個program我要介紹嘅係

中大嘅兩個精研課程,

分別係數學精研,同理論物理精研

大學JUPAS選科3

至於其它科,

中大就暫時未有jupas獨立收生嘅課程。

數學精研同物理精研一樣

提供左唔少嘅機會比同學去外國交流,

而成功入讀依兩個課程嘅同學

都會得到一筆嘅獎學金。

第三個就係

科大嘅國際科研課程

同港大一樣,

科大一樣都有保證嘅科研計畫,

同港大唔同嘅係,

同學必須要通過面試先可以進入依個課程,

大學JUPAS選科3

所以各位同學如果想係jupas 直接入到國際科研,

就需要擺國際科研係band A 啦。

獎學金方面,

科大會根據同學有幾多科5**,

去比獎學金。

大學JUPAS選科3

希望以上嘅資料可以幫到咁多位同學揀科啦,

咁當然要入讀依啲program,

首先都係要考好dse,

因為上述嘅課程,

收生分數都好高架。

(原文: 大學揀科)

此文章純屬 Tutor Circle Blogger 個人分享,並不代表本網誌立場。

搜尋文章